عن عيد

انا محمد عيد ...
عندي 30 سنة ..
متزوج وأب (حيث روحي وراحتي وفرحتي).

إنسان إجتماعي .. بستمتع بكل ماهو صعب .. شخص مرن ودبلوماسي .. عاطفي ومتمسك جدا بالمبادئ .

بعشق توجيه ومساعدة وتوجيه الآخرين.
علشان كده قررت أشتغل وتكون رسالتي إني أساعدك ب 4 طرق مختلفة:

أولا: بشتغل مرشد نفسي.
ثانيا: بشتغل مدرب مهارات نفسية وحياتية.
ثالثا: بشتغل مؤلف كتب نفسية.
رابعا: بقدم بودكاست عيد نفسك.

تعالي أقولك رحلتي:
انا بدأت عالم الإستشارات من أكتر من 6 سنين وقدمت أكتر من 5000 ساعة إستشارات.
وبقدم استشارت متخصصة في التعافي النفسي ، علاج إضطرابات القلق ، علاج إضطرابات طيف التوحد وADHD و بعض الإضطرابات النفسية.
بالإضافة لإستشارات متخصصة في إكتشاف الموهبة والذات وإكتشاف مجال العمل المناسب والتخطيط.

وبدأت عالم التدريب من أكتر من 10 سنوات وقدمت أكتر من 11000 ساعة تدريب
وبفضل الله تدريبي وصل ل 58 دولة عن طريق التدريب ال Online
ودربت في 8 كليات ( هندسة وعلوم وتجارة وتمريض واقتصاد جامعة الإسكندرية ، تجارة عين شمس ، جامعة القاهرة ، الأكاديمية العربية للنقل البحري )
دربت في مكتبة الإسكندرية.
دربت في أكاديمية دبي لريادة الأعمال (الذراع التدريبي لمؤسسة محمد بن راشد الإمارتية.
قدمت 3 كورسات في أكاديمية أعمل بيزنس لإدارة الأعمال.
قدمت 3 كورسات علي منصة يوديمي.
قدمت العديد من الكورسات والإستشارات مع المؤسسات التطوعية زي ( صناع الحياة ، رسالة ، دليل ،... )

بدأت رحلتي في عالم التأليف بكتاب (التربية الذاتية : إعادة تربية ذاتك)
وده أول كتاب يتكلم عن مفهوم إزاي الإنسان يعيد تربية ذاته بدون البكاء علي الماضي وإنتظار المنقذ من المستقبل.
وتم نشره مع دار كتبنا للنشر.

بقدم بودكاست عيد نفسك وهي حلقات صوتية بقدم فيها أفكار نفسية لإكتشاف نفسك وبناء وتحسين نفسيتك.



انا فرحان جدا إنك مهتم تتعرف عليا وبتشرف بوجودك معايا.